اتقيرتا يا دنيا

اتغيرتا يا دنيا

كتبت كتير عن الاحزان

وكل ما تكبر احزانى بفتش فى دواخلى مكان

اداريها *واخبيها * وعيش فيها

وارجع تانى احكيها وتتكررقوافى زمان

بديت بى قافية تحكى دواخلى بالفيها

وزات الحال

لقيتو محال اعيش فى امان

ونفس الكان بيتكرر وزات الكان هى الاحزان

واحزانى بتتشكل بالوان قاية فى الاتقان

لون منقوش بجسد روعة الفنان وناسو حنان

ابيض طاقى فى الالوان ومالى الساحة والاركان

واخترتو وقلتا لانو لون ايمان

حرام لو قلتا اتغير ...معاك الامر شى يحير

بتتغير قلوب الناس من الابيض ..بتبقى سواد وتفقد غيمة الانسان

بتظهر كل احقادو سواد فى فوهةمن بركان

بى سببو الزهور تزبل وكل الخضرة تبقى ركام

واتغيرتا يا دنيا صدقت كتير وما لقيتك لقيت الام

بتحرق ديمة فى جواى وما مزكور دوام نسيان

اتغيرتا يا دنيا ومانى ملام ولا ندمان

اصبح حتمى اتغير

جوا الجوف مشبع خوف

من الحاضر *من الماضى *من المستقبل المختوف

وما معروف

نهايتى حروف

معبرة عنى وعن احساس لوعة الحرمان

عن النسيان وعن حبى اللعاش تايه معاها زمان

بزات الكان ونفس الكان

وتغيرتا يا دنيا وما ندمان