الكان معاي

انت الملاك الكان معاي

وكت الضلام حل ونزل

انت الهوي البتنفسو وكت

الغيوم جابت مرض جابت

سقم جابت فهم انو الزمان

قاسي وكعب انو الغرام

بقي لي تعب

برضو القليب قال كلمتو

انو الملاك من لهفتو

جاب المشاعر وانطلق

جاب المرض غزاني

بيو جاب الضلام غتاني بيو

وجاني الخبر انو الاني

فرطتي فيو

بس قتي بلله ياملاك

ماتنشري اني البحبك من

زمان اني البموت في هيبتك

وسط الزحام اني الحزين

الساب سنين عمرو وقف

عند الكلام الجابو لي

عند الخصام الجد كتير

عند الملام الشال

منام قلبي الحنين الشال

سنين عمري الكتير

اربع سنين ضعت خلاص

وتحطم القلب السعيد

اربع سنين زي الحلم

مرت علي اربع سنين

ضاعت معاك يالسمحة

يازينة الحي وبختم

كلامي علي الغرام

الجاني من الدنيا دي

وبحلف بقول للناس حرام

انا دابي اول قصة لي

[center]

والله روعه بالجد

انا مابعاني ولاباريت حبي
وغرامي دي الجروح الفيني
ماتت واللهاء ديني وجهادي
وشاحد الله براي بكرة اجيبو
لي خبر استشهادي ويمة
ترقص في عرسنا فرحانة
بي حوري وجناني ويابة
اضبح في العزايم وتزكر ايامي
الخوالي
وبهو جانا وجانا راجع ماشي
في دربي المثالي ويلله امشي
وماتوقف وعقبال اجيك خبر التهاني (اديك العافية يارائع
والله اجيبك لينا بي السلامة
خلي بالك من نفسك )

ابدااااااااااااااااااااااااااع وروعة وسلاسة فى الاسلوب ودقة فى التعبير والتصوير وسرد جيد
مذيد من التقدم
والاقتباس اروع بس ما تكترو