معنى الريدة ...

اعرفي معني الريدة الاول
حتى تعالي وقولي بريدك
اصلو الرادك ما بريد غيرك
ولا حيحاول يفوت من ايدك
وعندك انتي الريد زي لعبة
يا مسكينة ولسع جاهلة
محال الريد في يوم يتحول..
اعرفي معنى الريدة الاول ..
وعايزة تكذب وتلعب بيَ
وجاية تكوس عندي الحنية
حاجة عجيبة وحاجة غريبة
متين حتعرفي الريد بالنية
هوي يا بت هووووي يا بت
تكتلي الزول وتشيلي الدية !
وانتي القلبك يحب يتحول
واعرفي معنى الريدة الاول...
انتي عيونك كانت قصة
وانتي خدودك كانو رواية
حسة بقيت اتحاشى عيونك
كنت زمان محتاجة دوايا
وكانت ليك زي اوضح آية
وكل ما يوم انا شايفك اجمل
واعرفي معنى الريدة الاول

( كنــــدش) ...