ستة صفر !!

خلاص كترت اعذارك
ومابقبل تاني ليك عذر
واصلاً ما حأتراجع
قطعتو معاك ستة صفر
واوعى تقول علي جاني
لأنك انت في الاول
كتير خليتني وحداني
اقول دة دلال لأ استكبار
براي وعايش احزاني
واستهترت بي ريدي
وزدت علي اشجاني
وكت خليتك الليلة
وقطعتو معاك ستة صفر
جاي تقول انا آسف
ودابو فهمت الحاني ؟!
زمان ما قلنا بنريدك
وقلتها ليك سوداني
لا بالهندي لا الكوري
لا إيطالي لا غاني
واقول ليك تاني لوتفهم
انسى الريد وأنساني
قطعتو معاك ستة صفر ...!!

(كنــــدش)