يا موهومة !

بالجد بالغتي...

وكت فكرتي تريديني

بالجد بالغتي ...

وكت فكرتي

انو حنانك تديني

يا زولة اقيفي

وراجعي روحك

ذنبك بيهو النار

حتوديني

وانا لا ردتك لا ادمنتك

يا موهومة في معنى الريدة

انا ناسيك من لحظة شفتك

فعلاً انتي جمالك ظاهر

الا دواخلك شينة كشفتك

ممكن انو الزول يتغير

بس حاولت معاك ما قدرت

انو اغبر فهمك حبة

والاوهام من قلبك شلت

الا بترجعي زي اول تاني

ياخ بالجد والله تعبت

بس اخليك للزمن الجاي

يمكن قلبك يهدا ويرسى

ويمكن برضو الزمن يتغير

ويكون ليك سعيد ما يقسى

راجعي نفسك يا موهومة

قبل الشمس تروَح وتمسى

يمكن تلقي حلل لي روحك

بس من راسك شيليني

عشان ما يكبر ذنبي معاكي

ياخ ارجوك ما تريديني

كفاية الشفتو معاك وقبلك

كفاية يا بت ما تزيديني